راني كرهتك و السبب افعالك
خوذها فى بالك
رانى كرهتك والسبب أفعالك
وماتلومنى بس
ركز فيه
كلامى معاك اليوم نا نعنيه
منك جفيتك وخلاص ماتعنيه
قلبى اللى كاين أسير جمالك
وأفهم كلامى كيف ماتبيه
وجهز جوابك كى ينشدوك عيالك
منك صار
الفراق بينا لاتحير لاتحتار
خذيته قرارى والقرار قرار
مليون رانى نقدر ندير بدالك
أيش جوابك
وين ينشدوك وينهم أحبابك
وأيش السبب ف حيرتك وأعصابك
نا ننصحك أمغير جهز حالك
ووتى وجهز ع الورق أسبابك
وأول سبب وتيه فى نقالك
قول خنت
وأعترف وقول صوبى هنت
وأنك غدرت وين ماأطمنت
قلبى معاك والدلال دلالك
وقول أنك أمانتى ماصنت
وخذيت الكلام من عذول حكالك
قول جرحت
وقول فى حزنى صحيح فرحت
ومال الزمان عليك منه طحت
وأنه الجديد اليوم هد أجبالك
