أرضيه الهجر.....و شد الرحيل مع أبزوغ الفجر
نا زاد خاطري عنه ابلوم و زجر......مدعا غلا خاين غلاى أنهيتـه
و الصبر قالو من عظيم الأجر.......و صابر على جرح العزيز كميتـه
كميت أجروحه.....و صابر على طوله جفاه و موحه
بلا اعداد جافاني عزيز ابروحه......و بلا امعاده منى السماح عطيتـه
طريقه نواها غالية ومربوحه.......و انعد روحى فى الحياه ما ريتــه
اليوم فى الغلا بينى و بينه طوحه.......ابقى فعل ماضى فى الزمان طويتـه
جفيت ادياره......وماعاد نبي سيرته واخباره
رماني رميته في غريق قراره.......وحسبت الميت خاطري عزيته
لاعد انجض امعا لهايب ناره........لاعد انرايف كان ماحقيته
نهيت سريبه.....انسيته نسيه خاطري مايجيبه
اللي قبل ديمه خاطري يحكيبه....ايشوشن امعاه افكار كان طريته
سبحانه بعد ماكنت مستهويبه....تحلف علي اتقول ماغاليته
هجرني هجرته بالجفا كافيته..كيف ماانسي صوبي عزيز انسيته
هجرني فارق....وعدا الغيري من احذاي اسارق
بوقه خذاني كي البرق البارق...ونا زاد بوقه من جديد خذيته
اردود في اكفا دمعي اللي يطارق....جزاء في خطا سابق خطا جازيته
هجرني هاجر.......رخيص باعني للغير بيا تاجر
وف القلب غيس قيس ست خناجر....عد السنين اللي شباب كليته
سلف في رهن ماني خبيث مناجر..كيما كواني من زمان كويته
